නව කථාවක්

මන්දිරයක සතුට සොයන 

සමනලී

*විසි දෙවන දිගහැරැම*

ගෙදරට ආවත් මම උදේ ඉදන් රෑ වෙනකම්ම එකම බත් කටක් හෝ කෑවෙ නෑ.. දරාගන්න බැරි දුක් අස්සෙ උගුරෙන් පහලට බත් කටක් යවන්නෙ කොහොමද මම.. නංගි දිහා බලන්නත් ලැජ්ජයි.. මෙච්චර නරක දේවල් ඇයි මටම සිද්ද වෙන්නෙ.. දෙවියොත් දැන්නම් නිහඬයි.. ඇඳට වෙලාම කල්පනා කලේ වෙන කරන්න කිසිවක් නැති තැනයි..

"සදිසි බේබි.. මේ බත් කටක් කන්නකො.."

මැණිකෙ නැන්දගෙ හිතේ පුදුමාකාර දුකක් තියෙද්දි ඇය හැමතිස්සෙම උත්සහ කලේ මට බත් කටක් හෝ කවන්නයි..

"මට එපා මැණිකෙ නැන්දෙ.."

"නොකා කොහොමද.. උදේ ඉදන්ම කාලා නෑනෙ.. අසනීපයක් වුණොත් ලොකු සර් මාවත් පන්නයි.. අනේ සදිසි බේබි.. හොඳ දුවනෙ එක බත් කටක් කන්න.." 

මැණිකෙ නැන්දා මේ තරම් මං වෙනුවෙන් කණගාටු වෙද්දී නොකා ඉන්නෙ කොහොමද.. මම නිසා අහිංසක මැණිකෙ නැන්දට තාත්තා බනී... මම උගුර වේලී හිරවෙද්දිම බත් කටක් දෙකක් කෑවෙ මැණිකෙ නැන්දගෙ පින්සෙණ්ඩුවටයි.. සන්දීප් දුකෙන් ඇත්තෙ.. කාලද දන්නෙ නෑ.. ඒ වුණත් එයා දැන් මට අයිති නෑ.. අමතක කරන්න උත්සහ කරනවා මම.. මේ හැමදේම.. සන්දීප්ගෙ දුක සැප අහන්න හිතුණත් එයා ගොඩක්ම වැරදි නෑ කියලා හිතුණත් මම මාව පාලනය කර ගත්තේ නොදැනුවත් ව හරි සන්දීප් දැන් වෙන කෙනෙක්ගෙ කුසේ වැඩෙන දරැවෙකුගෙ තාත්තා වෙලා අවසන් නිසයි.. ඊටත් වඩා මම අවජාතක වුණත් තවත් දරැවෙක්ට මට වෙච්ච දේ වෙන්න දෙන්න පුළුවන් කමක් නෑ මට...

"ආහ්.. සදිසි දැන් සතුටුද.. මම තමුන්ට කිව්වනෙ මාත් එක්ක හැප්පෙන්න එන්නෙපා කියලා.. මට අයිති වෙන්න ඕන දේවල් තමුන්ට හීනෙන්වත් අයිති වෙන්න දෙන්නෙ නෑ මං.. තේරැණාද.."

සවින්දි කාමරයටම ඇවිත් සමච්චලයට කියද්දී මට හිතුණේ නංගි සන්දීප් එක්ක මේ හැමදේම කලේ මට සතුටක් ලැබෙයි කියලා ඊර්ෂ්‍යාවට බවයි.. සන්දීප් ගැන ආදරයක් නංගිට නෑ.. තියෙන්නෙ සන්දීප් ලස්සන නිසා මාව බඳී කියන ඉරිසියාවටයි, සන්දීප් ගැන එයාට තියෙන කාමික ආශාවන් වලටයි.. ඒත් සිදුවුණු දේ වෙනස් කරන්න නම් දැන් බෑ කොහොමත්...

................................................................................

"මචං සන්දීප් ඇති බං ඔය ඩ්‍රින්ක්ස් ගත්තා.. වැඩී බං දැනටමත් උඹට හොඳටම.."

"ම..මම..මහ මෝඩයෙක් යකෝ.. සදසි මො..න.. වගේ කෙල්ලෙක්ද.. කියලා දැන දැන.. එදා ම..ට හිතන්න තිබුණා.. එතන අවුලක් තියෙනවා කියලා... ම..ම.. මො..ක..ට රැව..ටුනා..ද.. අර.. අහිංසකීට දුන්න ගින්නට.. මට.. හෙන ගහයි..බං.."

සන්දීප් තමන්ට දැණුනු වේදනාව වචන කරමින් තම හොඳම යහළුවා වූ නුවන් සමග බෙදාගත්තේ හොඳටම මත් වෙලයි.. සන්දීප් අඬ අඬ කොච්චර බිව්වද කියනවනම් දැන් ඔහුට ඉන්න තැන හෝ සිහියක් නැත...

"යකෝ... කෙල්ලෙක් බලෙන් ගෙන්න ගෙන දෙනවනම් නොගෙන ඉන්න එකා.. පො## ක් නෙ බං.. මම ගියානම් මාත් උඹ කරපු ටික තමයි කරන්නෙ.. ලගට ගෙන්න ගෙන බලෙන් දෙනකොට නොගෙන ඉන්න මොකද උඹ, මම රහත් වෙලාද.."

නුවන්ගේ වචන රළු වෙද්දී ඒ කතාවේ වරදක් නැතුවාම නොවෙයි.. තමන්ගෙ ගෞරවය ගැන පිරිමින්ට වඩා සිතිය යුත්තේ ගැහැණුන් ය.. ගැහැණියක් වූ කල වැඩිපුරම හම්බ කල යුත්තේ ආත්ම ගෞරවයයි.. 

"ඇත්ත මචං.. ම..ට. ද්.ද්..දු..ක අ..ර.. අ..හිං..ස..ක කෙල්ල.. කා..ලද.. දන්නෙ ..නෑ.. ඒ.. කි.. විදින.. ද්..දු..කෙන්.. මු.ද..වන්..න ඕ..න වුණේ.. මචං..හැම..දේම.. ඇරේන්ජ්.. කලා.. ඒකි..වෙනුවෙන්... ඒකිත් මට.. පු..දු..ම.. ආ..දරෙයි බං... කොහොම.. උහුල..න..වද.. දන්..නෙ නෑ.. ඒකි.. මේ.. දේ..ව..ල්.. උ..ඹ..දන්..න..වද.. ඒ..කිට මම..දුන්න.. පො..රොන්..දු.. හැම.. එකක්ම.. බොඳ වෙ...ද්..දි.. ඒ..කි.. පිච්චෙනවා ඇති බං.. මහ..පව්කාරෙක් මං.."

සන්දීප් වේදනාවෙන් දොඩවද්දී.. බීමතින් වුණත් ඒ වචන වලින් පිටවුණේ සන්දීප්ට සදිසි ගැන තියෙන ආදරයයි...

"ඒකි පව් තමයි.. ඒත් දැන් මොනා කරන්නද.. අපිට මොනා හරි දෙයක් කරන්න පුළුවන් වෙයි බං.. රිපෝට් බොරැද දන්නෙත් නෑනෙ.. සල්ලිවලට ඕන දෙයක් කරන්න පුළුවන් නෙ බං.. දැන් කාලෙ රැපෝට් එකක් වෙනස් කරන එක පොඩි දෙයක්.. උඹ ලග ඒ රිපොට් එකේ එක කොපියක්වත් නැද්ද.."

"න්..නෑ.. ම..චං.. මම ඉරලා වි..සි කලා.. බට්.. මතකයි.. ම..ට.. රිපෝට්..චෙක් කරපු.. ප්‍රයිවට් හොස්පිටල් එක.."

"ට්‍රයි එකක් දීලා බලමු.. දැන් රෑ වෙලානෙ.. හෙට උදේම යමං එහෙට ගිහින් මේ කතාවෙ ඇත්ත නැත්ත දැනගමු.. ඇති ඩ්‍රින්ක්ස් ගත්තා දැන් යමං.."

ඇවිදින්න තියා හිටගන්නවත් බැරි සන්දීප් අත තමන්ගෙ කරට දාගෙන තමන්ගෙ අතක් සන්දීප්ගෙ ඉන වටා අත දමා සන්දීප්ව තදින් අල්ලගෙන නුවන් ඔහුව කාර් එකට දාගත්තෙත් අමාරැවෙන්..
කාර් එකේ එන ගමනුත් සන්දීප් වෙරි මතින් අහන ප්‍රශ්නවලට උත්තර දෙන්න නුවන්ට සිදුවුණා..

"අඩෝ... නු..ව..නා.. සදිසිව මට.. නැති වෙ..යි..ද බං.. අරකි එදා.. ඉද..න්.. මගෙ.. කරේ.. එල්..ලෙන්න ආවෙ.. ඒ..ත්.. ඒ..ත් මචං මම.සදිසිට විතරයි.. ආදරේ කලේ.. බලපං මචං ඒකි..ගෙ හැදි..යාව.., චාම්.. කෙල්ලෙක්.. අපෙ ම..මී..ලා.. මගෙයි.. අර.. සක්කරව..ට්..ටමෙයි.. වෙ..ඩින්.. එක ඉක්මන් කරනවා කිව්වා.. මට බෑ බං.."

"වෙඩින් එක ඉක්මන් කලොත් නම් ඉවරයි මචං.. උඹ අවුල් නොගෙන ඉදපන්.. අපි හෙටම බහිමු වැඩේට.."

නුවන්ගේ වචනවලට සන්දීප් සැනසුනත් මේ වෙද්දිත් සවින්දිගෙයි, සන්දීප්ගෙයි කසාදෙ තීන්දු වී හමාරයි..

................................................................................

"මිසිස් මදනායක.. දුව සාරි එකක් සිලෙක්ට් කරගෙනද.. වැඩි කාලයක් නෑ අපිට.. හෙට දවස විතරයි තියෙන්නෙ.."

"ආ.. එයා ඔන්ලයින් ඕඩර් කරලා.. හෙට වෙද්දි ඩ්‍රස් එක ගෙදරටම එයි..ජුවලරි හැමදේම හරි.. අපි හෙට යනවා හොටෙල් එකක් බුක් කරන්න.. මදනායකගෙ එකම දරැවනෙ.. five star hotel එකක තමයි ගන්නෙ..මගෙ ලගම යාලුවෝ ටිකකට ඉන්වයිට් කලා මම.."

සවින්දි ගෙ අම්මත් සන්දීප්ගෙ අම්මත් දුරකතනයෙන් හරි හරියට කතා වෙන්නෙ සන්දීප්ගෙයි සවින්දිගෙයි වෙඩින් එක ගන්නයි.. සවින්දි ප්‍රෙග්නන්ට් නිසාම වෙඩින් එක ඉස්තරම්ම අයුරින් ඉක්මනින් ගන්නයි සැලසුම..

"ඕහ්.. මාත් මගෙ ලගම යාලුවෝ ටිකකට කිව්වා.. බට් මානවඩු නම් කැමති නෑ මේකට.. මිස්ට මදනායක මොකද කියන්නෙ.. වෙඩින් එකට එනවලුද.."

"මොන ඒමක්ද මිසිස් මානවඩු.. සවින්දිව හදලා තියෙන්න පහත්, නැහැදිච්ච විදිහට කියලා මට පලු යන්න බැන්නා.. තරැණ ලමයිනෙ.. ඔහොම දේවල් කරනවා.. සමාජෙ දියුණු වෙලා.. දැන් ඕවා මිනිස්සු කෙයා කරන්නෙ නැති තරම්.. එඩ්වඩ්ට ලොකු සදිසිවනෙ.. ඉතින් මට බනිනවා සවින්දි එයාගෙ නම්බුවට ලැජ්ජ කලා කියලා.."

තමන්ගෙ දුව කල මේ නැහැදිච්ච ක්‍රියාව තාමත් ඇයගෙ අම්මට සුළු දෙයක් වෙද්දි තමන්ගෙ දරැවා තවත් නොහොබිනාකම් කලත් නිලන්ති මදනායකට සවින්දිව කවදාවත් නිවැරදි පාරට ගන්න පුළුවන්කමක් නැත..

"අපෙ කොල්ලත් වැරදීනෙ.. හෙට මටත් කරන්න සෑහෙන්න වැඩ තියෙනවා.. සවින්දි බ්‍රයිඩ් මේඩ්ස්ලා සිලෙක්ට් කරලා එයාලට ඩ්‍රස් සිලෙක්ට් කරලද.. මාත් පුතාගෙ යාලුවෝ දෙන්නෙක් ලෑස්ති කරවන්න ඕන.. හෙට වැඩ කෝටියයි.. එහෙනම් අනිද්දට අපි මීට් වෙමු.. නෑයො වෙන්න බලාගෙන.. එහෙනම් මිසිස් මානවඩු මම තියන්නම්..ගුඩ්නයිට්.."

"ඔව් එයා හිතලා හෙට ඇඳුම් ජුවලරි ගෙනෙයි.. මම දුව එක්ක උදේට කතා කරන්නස්.. කේක් ඕඩර් එකත් දෙන්න ඕන.. එහෙනම් අපි අලුත් සම්බන්ධකමකින් හම්බෙමුකො.. ගුඩ් නයිට්.."

සවින්දිගෙත්, සන්දීප්ගෙත් වෙඩින් එක බොහෝ ඉක්මනින් ලෑස්ති වෙද්දි සන්දීප් තවමත් උත්සහ කරන්නේ මේ සිදු වූ අසාධාරණෙන් කොහොම ගැලවෙන්නද කියලයි......

සන්දීප් ඊයෙ ටිකක් වැඩිපුර ඩ්‍රින්ක්ස් ගත්ත නිසාම අවදි වෙන්න දවල් වුණත් නුවන්ගෙ කීද්දිල්ලට සන්දීප් අවදි වුණේ නුවන්ටත් බැනගෙන..

"මොකද අඩෝ වද දෙන්නෙ.  මගෙ ඔළුව රිදෙනවා.. ඊයෙ කොහොමද බං මම ගෙදර ආවෙ.."

"අනේ අනේ.. තෝ ආවෙ මගේ කරේ එල්ලිලා.. උඹේ ඔළුවෙ කැක්කුම දැන් සනීප වෙයි.. අන්න හෙට උඹෙයි අර සක්කරවට්ටමගෙයි වෙඩින් එක හෙට දාගෙන.. සුපිරිම හොටෙල් එකක..මටත් බෙස්ට් මන් කෙනෙක් වෙන්න කියනයා උඹලගෙ අම්මා.. ඇඳුම් සිලෙක්ට් කරන්න යන්න උඹව ඇහැරවන්නලු.."

"මො..කක්..? වෙඩින් එක හෙට.. උඹ දෙවනි මනමාලයද..?? යකෝ මම තාම මනමාලයා වෙන්න හිතලවත් නෑ.. උඹ මොනවද කියන්නෙ..."

නුවන් කිව්වා සේම සන්දීප්ගෙ ඔළුවෙ කැක්කුම සනීප වෙන්න ගියේ තත්පරයක් පමණයි..

"ඔව් යකෝ.. මම මේ උදේම ආවෙ මගුලක් කතා කරන්න නෙවෙයි.. ඊයෙ උඹ කිව්වනෙ සවින්දිව චෙක් කරපු හොස්පිටල් එකේ නම මතකයි කියලා.. මම ආවෙ යමු කියන්න.."

"ඔව් බං.. උඹනම් බොක්කෙ ෆ්‍රෙන්ඩ් කෙනෙක්.. තෑන්ක්ස් මචං මං ගැන මෙහෙම හිතනවට ගග ඉන්නවට.."

"යකෝ යාලුවෝ කියන්නෙ ඒකටනෙ.. පට ගාලා වොශ් එකක් දාගෙන වරෙන්.."

මොන දේ වුනත් හැමදේටම උදව් කරන යාලුවෙක් ලග ඉන්න එකනම් ලොකු හයියක්.. සන්දීප් ඉක්මනටම ලෑස්ති වෙලා ආවෙ සවින්දිගෙ කතාවෙ ඇත්ත නැත්ත හොයන්න යන්න හදිස්සියටයි.. කාලය ගොඩක් ම වැදගත් වූ බව සියල්ලන්ටම අවබෝධ වී ඇත...

"සන්දීප් කොහෙද මේ යන්නෙ..?"

"මමී මායි නුවනුයි පොඩි ගමනක් යනවා.."

"ආ මේ මම දැක්කා ඊයෙ ආව හැටි රෑ.. අද නම් මොනම වැඩක්වත් දාගන්නෙපා.. මාත් එක්කම ඉන්න.. තව පුරාම වැඩ තියෙනවා කරගන්න.."

සන්දප්ගෙයි, නුවන්ගෙයි වැදගත් වැඩේට සන්දීප්ගෙ අම්මා බාධාවක් වුණා..

"අනේ මමී.. මේක හදිසි වැඩක්.."

"ඔයාගෙ වෙඩින් එක තරම් වැදගත් වැඩක් තවත් කොහෙද.. සවින්දි ඇඳුම් සිලෙක්ට් කරලා.. චාරිත්‍ර කරන්න බඩු ගන්න ඕන.. ඔයාගෙ ඇඳුම්.. වැඩ කෝටියයි.. අද මාත් එක්කමයි.. ඕකෙ.. අනිත් වැඩ සේරම කැන්සල් කරන්න.."

"බෑ මමී.. ප්ලීස්.."

"සන්දීප් තවත් මගෙ ටෙන්ශන් වැඩි කරන්නෙපා. අද මාත් එක්කමයි.. යමු මාත් එක්ක.. මට ගමන් ගොඩක් තියෙනවා.. හෙට අඳින්න ඩ්‍රස් එකක් ගන්න ඕන.. මමනෙ මනමාලයගෙ අම්මා.. ලස්සනට ඉන්නෝන.."

සන්දීප්ගෙ අම්මා ඉස්සරහ සන්දීප්ට අවනත වෙන්නම සිදුවුණා..

"එහෙනම් උඹ මං වෙනුවෙන් උදව්ව කරපං මචං ප්ලීස්.. උඹ ඒ ගැන හොයන්න ට්‍රයි කරපං.. මම බෙස්ට් මන්ට සංජුටයි, රවිඳුටයි කියනවා.. උඹ නිදහසේ මට මේකෙ ඇත්ත හොයලා දියන්..මට වෙන කරන්න දෙයක් නෑ බං.. ලමයා මගේලුනෙ.. වෙඩින් එකට යට වෙන්නම වෙනවා.. ප්ලීස් මචං.."

සන්දීප්ගෙ වචන ඉදිරියේ නුවන් සන්දීප්ට උදව් කරන්න ඉදිරිපත් වුණත් සන්දීප් හොඳටම දන්න දේට යාලුවෙක් ඉදිරිපත් වෙලා ඵලක් තියෙයිද.. සන්දීප් හොඳටම හිරවුණේ තමන්ගෙ අම්මා නිසයි...

...............................................................................


"ඒයි සදිසි.. දැන් උදේවෙලා පුරාම වෙලයි.. තාම නිදි මොකෝ..ඇයි ඉරිසියයිද.. හෙට සන්දීප්ගෙයි මගෙයි වෙඩින් එක.. තමුන්ට හැපි නිව්ස් එකක් කියන්න ආවෙ.."
නින්දත්, නොඉන්දත් අතර, තෙත් වූ කොට්ටය මත වැතිරී ඉද්දී මට නින්ද යන්නට ඇත්තේ එලිවෙන ජාමෙ වෙන්න ඇති.. ඒ තරම් වෙලාවක් මම අවදියෙන් හිටිය බව මට හොඳටම විශ්වාසයි.. වේදනාව මටත් වඩා මගෙ කොට්ටය දැන් හඳුනගෙන ඇති.. දෙවියනේ.. නංගි මොකක්ද මේ කියන්නෙ.. මෙච්චර ඉක්මනට ඒ දෙන්නගෙ වෙඩින් එක සිද්ද වෙනවද.. මේ මොනවද වෙන්නෙ.. දුකටම මගේ පපුව වේගයෙන් ගැහෙද්දි ඊටත් වඩා කුතුහලයක් ඇති වුණේ නංගි මට ගෙනාව සතුටු හිතෙන ආරංචිය මොකක්ද.. මම දන්න කාලෙ ඉදන් නංගි මට ගෙනාවෙ දුක් දෙන දේවල් මිස සතුට දැනෙන දේවල්නම් නෙවෙයි...

"මො..ක..ක්..ද..?"

ප්‍රශ්න කෝටියක් හිතේ තියාගෙනත් මම ඇහුවේ ප්‍රශ්න නිරවුල් කරගන්න උවමනා නිසයි...

"ආහ්... හෙට මගේ වෙඩින් එකේ තමුසෙත් බ්‍රයිඩ් මේඩ් කෙනෙක්.. ඇඳුම්, ජුවලරි සේරම මම මැච් කරලා ඉවරයි.. හෙට නම් ඔහොම ඇඬියාව දාගෙන ඉන්නෙපා.. මොකද හෙට ක්වීන් සවින්දි මදනායකගෙ වෙඩින් එක.. තමුන් වගේ තර්ඩ් ක්ලාස් කෙල්ලෙක් මගේ බ්‍රයිඩ් මේඩ් වෙන්න සුදුසු නෑ.. බට් තමුන් දැනගන්න ඕන.. සවින්දි මදනායකට අයිති දේවල් උදුරගන්න යන අය දැනගන්න ඕන.. සවින්දි එක්ක හැරෙන්නවත් එයාලට බෑ කියලා.."

නංගි ගෙ කතාවට මගෙ මුළු ඇඟම හැරිවැටිලා ඇඟම පණ නැතිවෙලා යද්දි කියාගන්න හෝ වචනයක් කටට නාවේ මටත් නොදැනිම මගේ ඇස් කඳුළු වගුරද්දියි...
මේ මොකද මට කරන්නෙ දෙවියනේ.. මම මෙච්චර පව් කරලා තියෙනවනම් මාව මරලා දාන්න... නොමරා මරන්නෙ ඇයි..මෙහෙම..???
දෙවියනේ මට ඇති වුණ පළවෙනි ආදරේ.
 එයා වෙන කෙනෙක්ගෙ හස්බන්ඩ් කෙනෙක් වෙද්දි මම මනමාලිගෙ බ්‍රයිඩ් මේඩ් කෙනෙක් වෙලා ඒ දේවල් බලන් ඉන්න ඕනද.. මේ තරම් දරැණු දඬුවම් දෙන්න තරම් මම කරපු පව මොකක්ද..?? කවද්ද මේ කාළකණ්ණි ජීවිතේට සතුටක් ලැබන්නෙ.. මම ආදරය කරන කෙනා බඳින කෙනාගෙ බ්‍රයිඩ් මේඩ් වෙන්න... මගෙ හිතට ඒ තරම් හයියක් නෑ දෙවියනේ... සවින්දි මේ දේවල් කරන්නෙ මාව රිද්දන්නමයි...
මට මැරෙන්න හිතෙනවා... මාව මරලා දාන්න මේවා තවත් උහුලන්න බෑ..
සතුට ජීවිතයට එක මොහොතක් හෝ සමීප වුණානම්.. ඒ සන්දීප් මං වෙනුවෙන් ලස්සන දවසක් ගේන්න උත්සහ කරපු එක.. ඒත් ඒ සතුටම මට සාපයක් වෙද්දි මගෙ ඇස් නොනවත්වාම කඳුළු හැලුවේ මේ සමාජයටම වෙෙර කරන්න තරම් මගෙ හිත නතුවී අවසාන වෙද්දී.............

...............................................................................


**කතාවෙ ඒ කොටසත් හේ විදිහට ඉවර වෙද්දි මුලින්ම සමාව ඉල්ලනවා කතාව පරක්කු වුණාට... දිග කොටසක් දුන්නා ඒ වෙනුවට..මේ මොකද වෙන්නෙ.. වෙඩින් එක හෙටයි.. සන්දීප් මේ වෙඩින් එකට කොහොම මුහුණ දෙයිද.. දුශ්ට සවින්දි සදිසි සන්දීප්ට ආදරේ කරන බව දැන දැනම එයාව රිද්දන්නම තමන්ගෙ බ්‍රයිඩ් මේඩ් කෙනෙක්ව කරගෙන.. සදිසිට මේ තරම් ලොකු දුකක් දරාගන්න පුළුවන් වෙයිද.. සන්දීප් ට මොකුත්ම කරගන්න බැරි වෙයිද.. සවින්දි කියපු කතාවෙ ඇත්ත නැත්ත හොයාගන්න සන්දීප්ට යන්න බැරි තරමටම මිසිස් මානවඩු ඉස්සරහ සන්දීප් අසරණ වුණා.. ඉතින් යාලුවට පුළුවන් වෙයිද සන්දීප් නැතුව මේ දේවල් හොයාගන්න.. සන්දීප් සවින්දිව මැරි කරන්න කලින් මොකුත්ම කරගන්න බැරිවෙයිද..සදිසිට ජීවිතේ එපාවෙන මට්ටමටම දැන් දුක උත්සන්න වෙලා.. සදිසි මොකුත් අසුභ දෙයක් කරගනීද.. කතාවෙ ඊළග කොටස පරක්කු නොකර දෙන්නම්.. ප්‍රශ්න ඉක්මනටම විසදගමු.. කතාව ගැන අදහස් කමෙන්ට් කරන්න අමතක කරන්නෙපා.. කතාව එක්ක දිගටම ඉන්න කට්ටියක් ඉන්නවා ආදරෙයි හැමෝටම.. කතාව ලියන එක අතරමග නතර කරන්න හදද්දි ඔයාලගෙ කමෙන්ට් තමයි මට හයියක් වුණේ.. ස්තූතියි ඒ වගේම ආදරෙයි හැමෝටම දිගටම ඉන්න කතා පියස එක්කම..**
Dilru Don'T Copy